صباحك حب يابلادي
صباحك لحن طير شادي
صباحك فرحة بتنادي
تعالوا في حضني ياولادي
ونيلك ميته سُكّر
نسيمه عليل هواه نادي
على سطحه شراع مركب
بيتمختر بموج هادي ..
صباحك عطر ومعطر
عبيره الفل والياسمين
وغصن ورود بيتمايل
يسبح ربه ع الأغصان
قلوب صافية بتتسامح
وتتصافح ببسمة عين
وفيكي الحب بيرفرف
كطير أخضر فرد جناحين
يابلدي ياوطني ياأمي
كفاية إن إحنا مصريين
ومهما الغربة تبعدنا
بنرجع ليكي مشتاقين
وتاخدينا في احضانك
تضمينا بكل حنين
إلهى ربنا يصونك
يامصر ويحفظك م العين