عاوزه اقولك بس حاجه
وانت راح تفهم كلامي
انت من حقك علية
انك تعيش ليك مش عشاني
كنت اشوف نظرات عينيك
لما تلقي طفل باسرح
كنت حاسه بجرح فيك
والانين جوايا يجرح
وانت بتحاول تدراي
لما اكون باصه عليك
كنت باسرح فيك وافكر
كنت حاسه باللي بيك
ربنا لما حرمنا كنت راضيه مسلمه
كنت اصبر نفسي دايما
واقول يارب انا مؤمنه
بس برضه عاوزه اقولك
ربنا قال ع البديل
الزواج من واحده تانيه
والحديث فيه الدليل
نفسي اشوف فرحه عيونك
لما تبقي لطفل شايل
تسمعه لما يناديلك
دي حقوقك مش جمايل
عارفه انك راح تقولي
اني عندك اغلي حاجه
ربنا مايحرمني منك
وف رضاك عني سعاده