وكان لينــــا هناك ذكرى
وكان لينا هنــــاك حكايات
آمــــــال متشعلقه فــ بكره
وحلم بيقسمــــــوه اخوات
هناك وسط التراب والطين
وحيـــــط فيها تناشر شق
بكام فرشه وجوز بطاطين
كانت ماشيه يدوب بالزق
لكن كُنا هناك عــــايشين
رضايين بالقسمه والمكتوب
كتير كُنا نبات جعـــــانين
وكام رقعه تســـــــد التوب
لكـــــنّ الفقر مكـــسرناش
ولا خــــــــــد منا امانينا
فــ عز الغلب مـــــا وقفناش
ولا سكتت غنـــــــــاوينا
هنـــــاك كُنا بنرسم فرح
ونضحك ضحكه م الصافيه
ولو هحكى يطول الشرح
هناك كانت الحياة دافيه
*******************
قلم/ حلمى قاسم