هتدفع كام ..
تمن ليلك ..
تمن سهرك وتنهيدك ..
تمن للغربة و الأحلام ..
تمن كل اللى سيبته زمان ..
ومش راجع ..
عشان توصل خطوط العمر فوق ايدك ..
تمن ضحكة بترسمها على عينك ..
ساعات اللى اندفن فينا ..
يكون عكس اللى بان ع الوش ..
معدش الضحكة هتفيدك ..
مادام آخر الكلام ..
معليش ..
هتدفع كام ..
تمن ل سنينك الباقية ..
وتاخد كام ..
تمن ل اللف ف الساقية ..
و تدفع كام ..
تمن كلمة ف عز سكوت ..
تمن للموت ..
وتاخد كام .. عشان تسكت ماتتكلمش ..
ملعون أبوه الصمت لو يحكى ف كلام ماتقلش ..
......
صبري محمد حسن بهوت