إنتى لوحدِك
اللى عشانها كرهت الكـُرْه
وعشقت العشق
وانسيت كل مآسى الناس
وشفت الدنيا بلونها البمبى
وجنبى سمعت أغانى الليل
بتنده ليَّا..تشد الحيل
وف لحظة عطشى
لبير حِنيَّة
بتمد إيديها وتملا الكاس
ورغم الضلمة
كنت أنا باسمع صوت همساتك
بيشجعنى
يا ما شعرت كتير لمساتك
لما بتطبطب وتودعنى
وشفت البدر بلون ونَّاس
..
إنتى لوحدِك
الللى قدرتى تحطى البصمة
تمحى دموع جواى متخاصمة
إنتى قدرتى
رغم العمر المر ال dirty
تخلى بذور الحب تنبِّت
دبِّت فيا الروح كالريح وهبِّت
بعد ما داقت شجر الحزن
ويأس وعبِّت
.....
إنتى لوحدِك
اللى مَحيتى جروح مجروحة
اللى قدرتى يا ناس تداوينى
وبقيت أعزف على دواوينى
بعد ما كل مشاعرى
جالها خمود وجمود
واتخبِّت
...
إنتى لوحدِك
اللى هزمتى معايا هزيمتى
اللى رفعتى بكلمة عزيمتى
إنتى لوحدِك
وحدك بس
كان الخوف جواى يتحس
وقت الزنقة ...وعوزةو خنقة
لحظة ضعف معايا شديدة
شايف كل الخلق بعيدة
رفعتى ف شيلتى
سندتى ف ميلتى
وف عز الموج ف بحر التوهه
دعوة قلبك
كانت ليا منار ومثبِّت
إنتى لوحدِك
..........
راضي علي الطهطاوي