ح ت ة
من بردة نبي
او كسوة الكعبة الشريفة
قاطوع من سجاد صلاة..
رحمة ونور ماليه السبت..
صوت الفقي بيقرأ...
عدية ياسين
ج و ع العيال للقرص
ع ط ش التراب
لبلة ريق
ضمة شواهد لصحبة م الصبار...
حالة ذهول وخدااااااك
لغاية الفلسفة...
عمال بتسأل بس
مش عارف ترد...
لحد ما تتعب اسئلة ...
تفوق ..
علي شوية قطط
مترصصين قصاد عينيك
بيبحلقوا ...
في وشك وكأنك (غبي)
لسه ما فهمتش حياة..
يدحرجك صوتك الخارج محمل....
الف طن من الوجع
مغلقة حروفك ...
من كتر السكات...
بالعافية حتي قلت
هششششششششش
والقطط بالعند واقفة
تبص لك ...
وكإنها مشةفاهمة حاجه
يزيد ذهولك منهم...
فتتدور.
وتمشي....
من غير ما تقرأ(الفاتحة)
ل ل أ م و ا ت
...........
......
شعر /عفاف التركي