وحشتني
الشمس الشموسة
جوه عينيكي
ساعة ما تطل علي عينيا
ماباقولش إيديا
بتتكتف لما تسلم
أنا لما باشوفك باتعلم
إزاي الناس
بتعيش وتموت
إزاي العشق
بيبني بيوت
مكبوت الحزن المتسلسل
جوه في قلبي
عمال بيئن
والسكة اللي مابيننا بعيدة
وسط مشاعري
أوقات بتحن
والقلب اللي إتعود منك
علي طعم حياة
بيصلي ويسجد ويسبح
ويقول الله
ويشق الأرض المبدورة
جوه في قلبي
ويرتل ورد
ويشاور على نبع الطيبة
جوه في قلبك
ويصون العرض
ويملس وش الحنية
ويجيب الشمس تصد البرد
وإزاي أنهار
و بامد الخطوة ورا التانية
و باخطي بشوقي
تلال وأنهار
والقلب اللي إتعود منك
علي طعم حياة
بيصلي ويسجد ويسبح
ويقول الله
..............
سيد عربي