كان نفسى اجيبلك
يوم هديه
بس يعنى ربى شاهد
ان اننا مقصر شويه
ماانتى عارفه
ان اننا لما باشوفك
هو دا أجمل ماليا
لما اشوف وشك بيضحك
يبقى ايه معنى الهديه
صدقينى يامه
من غيرك بالاقى
روحى ابعد حاجه فيا
كل حاجه يامه بعدك
شكل تانى مش عاديه
لما باشتاق بالقى صورتك
فيها ضل وفيها ميه
ياما كنت اتمنى يامه
انى اجيبلك يوم هديه
روحتى فين معقوله يعنى
مش هاشوفك يامه تانى
طب قوليلى ازاى اجيلك
لو ثوانى
مدى ايدك يامه
م القبر اللى شدك
طمنينى وطمنى
القلب اللى حبك
او سيبينى تانى المس
بس خدك
جيبتلك طرحه
تشوفيها
باسمك المنقوش عليها
بس عاوزك ترضى يامه
وتلبسيها
مدى ايدك يامه
من قبرك خديها
ايوا يامه كل يوم
لازم اجيلك
واشتكيلك
جبتلك يامه الهديه
بس نفسى تقبليها
جيبتلك سورة
يس
احلى عقد
لست حسن
الميتين
................
اشرف الشناوى