وباتمنى...قصيدة للشاعر / محمد مغاورى

عشان صادق
ومش بادئ أكون كداب
ولىّ كتاب ورب كتاب
يحاسبنى عن الأسباب
فبتصالح مع نفسى...... وبتسامح مع الأحباب
وبتمنى أكون راضى
واكون قاضى على نفسى
ومن نفسى ...........أكون بواب
على بابك وأعتابك
وفى غيابك
بكون رغّاب لأحوالك
ولو جالك
فى يوم حالك لصوص مالك
فنادينى ..........تلاقينى
أنا النساب ولىّ حساب
ولىّ حجاب من الأنوار يغطينى
وألف نهار من الساقيه اللى فى عنيكى
بتسقينى
وتسبقنى على خدك دواوينى
ماليها عتاب.
..................................
عناوينىماهيش سرداب
ولا حيه فى جيب حاوى بتتلوى
فى قلب جراب
بلاد أغراب بتتمنى أكون كداب
أكون نهّاب
طريق الغاب بينده لى أكون دحلاب
ولىّ نصاب فى ترتيبه
واكون ديبه
واكون نصّاب
عشان خاطرك وطول صبرك
أنا غاسل من التنهيده أحزانى
ويوم فانى مايلقانى فى يوم عنده
من الخطّاب
دا أنا دينى بيؤمرنى أكون ليك
من الأحباب
فحبينى وخلينى
ياتوب عرضى
وطين أرضى
أكون ليك على بابك
يادوب كلمه فى قلب كتاب
وتكوينك يكون لىّ أنا ..سعدى
ومن بعدى يعيش وعدى
على بابك ..دا فى كتابك
نقوش اللهفه فى عيونى
بتنطقنى....أنا الحارس على بابك
أنا الخادم .......أنا البواب