متسألنيش عن حالي
لأني بجد ف بعادك
قتلتني كل الأجوبه
متسمعنيش
لو مرة ف لحظة غضب
قلتلك خليك بعيد
و متفهمنيش
لو جيت ف مرة أفهمك
إني أكيد بعدك هعيش
لو كنت مرة
خليت عينيك تيجي ف عينيا
لو كنت مرة
حكمت قلبك ف البعاد
لو كات عينيك لمحت دموعي
كنت هتعرف ان أنا
بكدب عليك
و ان الكلام اللي بقوله
عند فيا و عند فيك
و لو سألت ف مرة قلبك
كان يرد قوام عليك
من غير ما حتي تعيد سؤال
إنك حقيقي وحشتني
إياك تصدق ف الهوي
إلاااا عينيك
أما أنا ان قلتلك
خليك بعيد !!!موحشتنيش...
متصدقنيش ....متصدقنيش
...............
جهاد زيادة