تختار....قصيدة للشاعرة / أنيترا على

تختار تحبك وأنت تختار ألف واحده بعدها**
تختارتودك وأنت تقفل أى باب وتصدها**
تختار تشوفك وأنت غاوى أنك تحير قلبها**
تحتار ف أمرك وأنت تفرح بأمتلاكك وقتها**
تنهار قصادك وأنت ناسي حتى أنك شفتها

وعرفتهاوسكنتها**
رعشه أيديك الكدابين لما كنت تشوف أيديها قريبين

 مابقتش قادره تحسها**
يمكن عشان هى اللى سابت نفسها

 تجرى ورا لمعه عينين متمرده

ومخططه للغدر من وقت البدا**
جايز عشان هى اللى غرقت ف الحنين

 والسهد من وقت الندا**
غلطت وعشقت حضن يشبه للشتا**
غلطه بسيطه منها ماهو زى غيرها زيها**
ماكانتش عارفه أن الفراق هو النهايه لحلمها**
وان اللى فاضل انها تقدر تفوق من وهمها**
يمكن ساعتها تلاقي غيرك عاش لها**
يفرد جناحه يدارى حتى ضلها**
بس الاكيد أن اللى زيك عمر قلبه ما حبها **
والمستحيل أنك تلاقي حد حبك زيها**
وف النهايه

 هتنسي أنك كنت ذكرى ف عمرها