إمبارح / بكرة للشاعر ..عادل شوقى إبراهيم

ندهتلك بصوت عالى
محدش من الهموم خالى
فجاوبينى وخطينى بايدكى
بره احزانى
وضمينى وخلينى اشوف بكره
بيضحكلى انا امبارح بيئلمنى
ويحرمنى من الفرحه
عايز المح حجات طرحه
جناين حب مرويه
بمية صدق من قلبك
ومن قلبى- وايه ذنبى
وليه دايما تعاتبينى
اهد الحلم من الاول
وم الاول اعود وابنيه
واصلح كام غلط فيا
وصلح كام غلط كانوا فيه
باستيكة فرح امسح الام جرحى
عصافير الامل واقفه
على شجرة نهار بكره
انام واصحى
على اول ندا ليه
اناديكى بصوت عالى
تجاوبينى -- تضمينى
تخلينى اعود تانى
وقلبى من الهموم خالى
....