لحظة حياه
يا ايه لله ف السما
تنشل رفات الارض من سم الغزاه
تجني العيون الطلسمة
حلم استحي
سلم وبات مدبوح فتاه
لساك حزين
يا قلبها البكر
اللي مترمل مابين غربة وسفر
لسه العتاه متربصين
متشرنقين بين الممات المستتر
عزف الوتر فوق الضلوع
صوت البنادق والبارود
والدم يتداري ف خشوع
يتكفي من بطش البغاه
ويلملم الصرخة اللي سكنت ف الحضيض
يمكن ف يوم
يستنسخ الحلم الجديد
من بين قلوب الطيبين
مستنيين؟!!
مرهون لقانا بسكتك
يا مستعينة بصبر بين ضحك وانين
وعيون بتدبل م البكا
وعيون تزوغ من نظرتك
يااا غربتك!!
تايهة ما بين الضفتين ووشوش رخام
مين كان منح منبع صفاكي المستكين
اكليل امل جوه الركام
حتي النباح المصطنع ماقدرش يجمع خطوتك
كان ياحبيبتي مابيلاقيش يدفع ضريبته ف الوطن
وان امتثال العشق ف القلب اللي حبك كان سكن
راهن علي كتافك حياه
بتضم كل المشتاقين
حتي اللي نجيو من الهوي
مين عاش لمين؟!
مابقاش يهم المطحونين غير النجاه
ولايتسرق من لقمة الغلبان غموس
ولا تتمحيش حزة دراعك جوه حضنك ف الجلود
حتي اما كنتي بتحلمي
وترشي فوق كل القلوب العطشانين
ريحة هواكي المشتهاه
تشرق امانيهم حنين
وتنادي قرص الشمس
فيبوس الجباه
.....
محمد الطنطاوي