عمري كله بين إيديكي
كل لحظة ف نبض قلبه
بتشتهيكي
كل نظرة ف نن عينه
تخاف عليكي
وتداريكي
عن عيون الكون ده كله
ف قلب رمشي
ف شوق مانامشي ف عمري لحظة
شوقهُ ليكي
دوبيني بين شفايفك دوبيني
واحضنيني ف حضن قلبك
واروي عيني
م المحبة
نهر حبك فاض حنان
زيدي شوق القلب زيدي
وعيدي همسك جوّه مني
لسّه قلبي عايز كمان
أصله عارف يوم ما حبك
إن بين رمشك أمان
فاستهجى حروف شفايفك
حرف حرف
ولملم الأشواق ونام
جوّه ننك .
........
محمد البنا