***********
لو كــان يرضيك ابعد عنك
ح ابعد وارضيك
وان كانت روحى ح تنفعلك
راح اسيبها تجيك
شاور بإشارة ح اكون جنبك
وبعمرى افديك
ياللى انت بتسـعـد ايــــــامى
اكتب ايه فيك
***
لو قلت باحبك والله
دى قليلة عليك
وان قلت انا باعشق
انا باعشق
وبادوب ف عينيك
وباحسّك اكتر من نفسى
وحبك بيبان
من نظرة عينى وصوت قلبى
أول م الاقيك
****
وياك حسّيت احساس تانى
واديتنى حياة
مابقتش افكر ايه ف بكره
او إيه جــوّاه
احساس بآمان مالهوش آخر
طول م انا وياك
الله على حضنك وحنانك
.....الله الله
***
راح اعاهـد قلبك وعيونك
مش اكون غير ليك
ولا عمرى ح اعيش لحظة بدونك
ولا اعيش غير بيك
فاطمّن اوى من الناحية دى
وجاوبنى قوام
انت اللى هواك عايش فيّا
ولا باعيش فيك
......................................
14/11/2017 م