ايه الحكاية ؟
قول بجد
هو حبك كان حقيقي
واللا كان إعجاب لوقت
كل ماده تزيد ف بعدك
تنسى وعدك
وألقى صدك كنّهُ سد
قول بجد
حتى لو كان نزوة عدّت
واللا كان أمواج وهدّت..عند شطي
ف لحظة رجعت
تحضن البحر ف ثواني
أنت لو كنت ف مكاني
قول مشاعرك تبقى ايه
واللا جرحك ايه يداويه
كان أكيد وبحسرة تسأل
كنا ليه...وبقينا ليه
روح مناها تلقى رد
قول بجد
فوق كتافي الحمل صعب
وفي كياني الشك صب
بحر نار غرقانة فيه
حمل صعب..
حمل صعب وماشية بيه
كل خطوة الروح بتسأل نبض روحي
....ماشية ليه ؟
......
محمد البنا