يا معمرة الملكوت
ضيك كما البنور
ضيك كما البنور
قاد الظلام فينا
خلا التراب ماشى
عمره بيندهله
فاجأة الوداع قرب
أذن أذان الموت
ميزانك التقوى
عليكى ما يقوى
أن كان من البشوات
ولا فقير هلفوت
يا روح ما بعدك روح
يا روح ما بعدك روح
حابك ومش عارفك
عاذرك يا روح الروح
قطرك بسرعة يفوت
بتدبى ف المولود
بتدبى ف المولود
تهاجرى لما يموت
يا منسمة الوجدان
يا منسمة الوجدان
وساكنة ف الأبدان
تشكلى الإيمان
وتسكنى الجبروت
فينا البشر بحالات
فينا البشر بحالات
منهم مقيم صلوات
والرقاصين بصاجات
ولا حد يوم ينجى
تلقاه يروح همسة
ولا يسوى فيه نكلة
ولا حتى بالسحتوت
غرقان فى بير الهوى
غرقان فى بير الهوى
غاطس يقول شهوات
وشطانه سيد نفسه
ملعون ما هو الخناس
يتنطط النسناس
نال المراد واكتفى
هاتفيد بأيه الآهات
ياروحى ما تبوحى
بوحى قوليلنا الآه
ساكتالى مالك صوت
يا محيرة المخاليق
سرك غريب مكبوت
قوليلى من يعرفه
قوليلى من يعرفه
غير مالك الملكوت
نفخ الحياة فيكى
نفخ الحياة فيكى
يا باتعه تبقى رماد
راجعة لحضن الدفا
وأمك الأولى
كومة تراب بطنها
فتحالك التابوت
كومة تراب بطنها
كومة تراب بطنها
فتحالك التابوت
فتحالك التابوت
.............
أسامة عياد