الحيطه لو تتشرخ...............كل الجدار يتهد
لحظة ماييجى يقع .............ممكن يعور حد
أيدك فى أيدى سوا ..........نبنى ونطلع فوق
نرمى الغرور والهوى ........نعمل مابينهم سد
.....................................
خلى الأمانى أغانى ...................أكتبها غنيها
دى القوه عايزه مروه ...............بالعزم نبنيها
أبدأ قوام خطوتك ............ماتنامشى وتكسل
ورى الجميع همتك ..................أظهرها عليها
................................
دا لو زرعت الأمل .............بالصبر حبه ارويه
ربك يحب العمل ...................تلقاه يبارك فيه
أما الكسل لو عسل ........هايزيد معاه مرضك
مش رح يفيد الندم .....تحتار فى يوم تداويه
.................................
بعد الندم فيه عدم ...........والفرصه لما تفوت
بعديها رح تتردم ...............توصل لحد الموت
السعى وعى وأراده ............بتيجى من نفسك
شيطانك اللى ينافسك ...تلقاه ضعيف هلفوت
....................................
مادام بعينك تشوف ............الظلم تسكت ليه
يكبر يكون مألوف .............تدوق قوام ماسيه
تلقى جزاء السكوت .............ع الظلم وسنينه
دا الحق دينه العداله ........خليك معاه ترضيه
.......................................
للحق دايما سوارى .................ضلتها مفروده
ومعاه يكون انتصارى ........تبيض لى السوده
ونقول ياظلم اختفى .........عن أرضنا وامشى
سيبنا بسلام نحتفى ................روح بلا عوده
................................
أحمد عبد الوهاب ( ابن بيرم)