بسمة أمل ...بقلم الشاعر / أشرف البنا

امسح دموعك ... وابتسم
مع ضحكة حلوة
ع الشفايف تترسم
أوعي ف يوم... الحزن
يسكن دنيتك
و تحس لحظة بغربة
تنزل دمعتك

أوعاك تحس انك وحيد
ده احنا معاك
و نفسنا نشوفك سعيد
نفرح معاك
و احنا هنا متجمعين
و قلوبنا مليانة حنين
و الفرحة بينّا ... بتنقسم
و أدي حبايبك كلهم
اللي أنت واحد منهم
طيبة و محبة ف طبعهم
جايين و فرحة ع الوشوش
من غير رتوش
....... و بيرسموا
بسمة أمل
..............

 أشرف البنا