موكب التعلب ******* بقلم الشاعر الكبير / علي جامع

التعلب جاى فضوا السكة

واحبسوا دمعتكم والضحكة
واستنوا لحد مايتمنظر
أو ملُّوا عنيكم بالمنظر
وان واحده هتولد
براحتها
تولد فى الشارع
تستنظر
مين قال له مايختارش الوقت
حبكت مولود جاى دلوقت
ويبوظ موكب تعلبنا
دا أكيد مختل
فين والده نوبخة ونقول له
ماالتعلب قال لو انجبتوا
يبقى مافيش حل
بتبوظ فكر التعلب ليه
ياسعادة البيه
وتخلية ليه كل اللى عليه
يؤمر بمصانع اضافيه
لزيادة الدخل
التعلب عدى ومش وحده
انما وياه المحتل
والست الحامل لما وضعت
م الموقف عيلها اتشل
.........
علي جامع