صباح الخير...قصيدة للشاعر المهندس / صلاح يوسف

وكل صباح
وله نكهه
تعالي وسط بستاني
وحطي الطعم في الفاكهه
سنين العمر خلصانه
ويجري زمانا قدامنا
وأيامنا
بتحسبنا
ونحسبها
وبكره نمشي ونسيبها
وفيه أجيال كتير قبلك
زمان الغدر شيبها
فلا عند البعاد نافع
ولا كتر البكا شافع
دي لحظة عشق بالدنيا
تعالي دوقي ضمتها
ودوبي
جوه أحضاني
شفايفك حاضنه أغصاني
وسيبي الطعم في الفاكهه
وكل صباح
وله نكهه