بحبك آه ....بقلم الشاعرة / شريفة زيدان

باحبك اه
وايه ف الحب يكسفنى
واخبى ليه
وادارى مشاعرى تكشفنى
يبان الحب ف عيونى
والاقى الناس يلومونى
فاسيب الناس
واعزف لحنك الغالى
واسيبك مرة تعزفنى
وابوح لك باللى انا حساه
واقولك اه ومليون اه
واجرى وراه
حبك مش مخوفنى
يلوموا الناس وايه يعنى
يقولوا هواك ملوعنى
اسيب الناس
واقول بأهواك
واقول دا ملاك
وبعدك عنى يبقى هلاك
يضيعنى
وليه بنخاف
مادام أشراف
انا عاوزاك تسيب الناس
تقرب جنبى تسمعنى
وتعرف ان فى احساس
جوه عنيك بيزرعنى
وتفهمنى وتعرفنى
باحبك اه
وايه ف الحب يكسفنى
...............

شريفة زيدان