أنا مش نبى ....قصيدة للمتألق مصطفى تيسير

الفجر طالع من عنيكي بألف لون ..
لون الطهارة .. و البكارة .. و الجنون ..
لون البراءة و الجراءة و الظنون ..
كل القصص جوايا كانت ممكنة ..
قبل أما أشوفك و أعرفك ..
صلبوني في وسط الطريق ..
أنا متهم هيقيموا فيه حد الزنا ..
علشان عشقتك و إختزلتك ..
جوا حضن الأزمنه ..
الحب صابني بالعمي ..
ميت و من غير أكفنة ..
أنا إللي لفيت الحارات ..
و سكنت ف حضن البارات ..
و شربت كاسات السكات ..
و إديا لسه مربوطين ..
و بحاول أمشي ع الصراط ..
بلقى العيون متلونه ..
و أنا عندي عقدة مزمنة ..
إني لما أعشق عيون ..
برفض أخون ..
ف يتنصب لي أكمنه ..