طب متنا ليه...للشاعر محمد المصرى

طب متنا ليه ؟؟؟؟
لما اتقابلنا فى السما والدم نازف مننا
كانت الرصاصة مؤلمة لساها جوة جسمنا
عرفنا بعض بإسمنا جيكا ومينا ومصطفى
إحنا الشباب اللى إنطفى طب مين قتلنا كلنا
ده الدم نازف ع العلم والموت بيسقينا الألم
إحنا الشباب اللى إتظلم متنا ومات ليه حلمنا
فاتت سنينا الاربعة لسة عيونا مدمعة
كل القلوب متجمعة مستنين يوم حقنا
لسة باصين ع الميدان لسة فاكرين المكان
ليه عليكوا الدم هان وبكرة هاتنسوا دمنا
إنزل وإحمى ثورتك عمر الرصاص مايسكتك
إنزل ورجع دولتك أو حتى موت يوم زينا