غريبه الدنيا ـــــــــــــــــ ( للشاعر / رءوف حجر )

غريبــــه الدنيـــــا بنعيشـــها ما نعـــرف ليـــــه
و مولــوديــــن بلا ريشـــــها ساترنـــــــا أيـــــه
تمنيــــــنا تهنيــــــــنا تفرحنـــــــــا تبكيـــــــــنا
و لما نـبُــص حوالينا ...
بنستغرب على حالنـــا اللى عايشــــين فيـــه

غريبه الدنيا تخذلنـــا و تغذلنــا ف خيوط دايبــه
غريبه شبكها يشبكنا و ف الآخر مهيش جايبه
تشبَــــكنا تلخـبَــــطنا تخـبـَــطنا فــى بعضيــنا
و لما نـبُــص حواليــنا نلاقيــنا وشوش دايبــــه
و نتحمل و نتجمل نقـول شَعـرِتنا مش شايبـه
و لما نفـوق من احلامنا نلاقى العمــر سايبـنا
نقـــوم و نـبُــص حواليـــنا نـــدور عن حبايبـــنا
لكن يا خسـاره ما نلاقـى إلا بواقــى لعذابـــنا
غريبه الدنيا والله ...
نعيشها ف الزمن لحظه و نرجـع تانى لترابــنا
و لو ننــدم ما نندمشى على الدنيا وما فيــها
و لا تســــــوى بمـن فيــــــــها و حواليـــــــها
و أحلى عيون كانت فيـها هـيَـا عيون حبايبــنا
و نستغرب على الدنيا يعـدى العمر من إيــدنا
ولا نلحــق نعيـش فيـها و لا أعيـادها أعيــادنا
و تفضل ذكرى أحبابنا نعيش فيها ونموت فيها
و يمكن بُـكـره عند الله و فى الجنــه نلاقيـــها
غريبــــــه يا دنيــــــا و اللـَــــهِ و راح عِـــــــزِك
ولو هاختار من الأول ...
هاقـــــــــول يا دنيــــــــــا مــش عايــــــــــزك
أيــــــــــــوه يا دنيــــــــــا مــش عايــــــــــزك
ـــــــــــــــــــــــــــــــــــــــــ
رءوف حجر