ذكريات رمضان ــــــــــــــــــــــ ( للشاعر / رءوف حجر )

فيـه شئ بينـى و بين اللـه يقرَبنى كمان و كمان
يعوَضــنى عن اللى كان - ينسِـينى سنـين أحزان
و يهدينـى ف ليل رمضان بفرحه كبيـره فى قلبـى
فيه شئ بينى و بين ربى يرجَعنى لذكــرى زمـان

طفولتـنا و فرحتـنا و إحنـا بنجــرى بالفوانيــــــــس
و طياره و كوم قراطيس و عروسه ف جنب عريس

و فرحه ف القلوب بتــدور و بركه ف البيوت بالنـــور
و ضحكــة أم بتجهـِـز ف أكـل فطــار و أكـل سحـور

و قعــدة أب على بابنــا ينوَرنــا يحفظـنا فى القرآن
و جوامعنا و صوتها آذان و نفرح بالنقشبـندى كمان
و لمَا بيضــرب المدفـــــع و رفـعــت يرفــــــع الأذان
بناخــــــد بعــــــــض بالأحضـــــــــــــــــــــــــــــــان
و نتـهنــى بلقمتــنا و لمتـــــنا و صــوم رمضـــــــان
ولمَا نصلــــى تراويحنــا و نتهجـــد ف ليلـُـه كمــان
و نتسـحـَـر نصلى الفجــر و نرجع تانـــى للقــــرآن
و صـــوت حنـَـا مع ميــنا يهنيــنا بقـــدوم رمضــــان
و عم شحاتـه بيجيـــنا و يديـــنا العيديـــه كمـــــان

يارب تديـــم لنا رمضــــان و تفضـــل قايـــده أفراحنا
تجمَــعــــنا ما تطرحنـــــا تزوِدنـــــا ما تنقصـــــناش
ما تبـعــــدناش عن اللــى بينـــننا و بيــن اللـــــــه
نعيـــش ساجدين على بابــه و نفضل عمرنا ويَـــاه
يــــــــروح رمضـــــــان ... يـيـــــجى رمضــــــــــــان
و تفضـــــــــل رحمــــــــــــــــــة الرحمـــــــــــــــان
و يجــرى العمـــر ف إدينــا و أيامــنا بتجـــرى كمان
و يعلى أدانـنا و جرسـنا ف طـول الدهـر و الأزمــان
يارب نـــدوم بلمِـتـــنا ما يدخـل بينــنا حــد جبــــان
و تفضـــل مصــر ف عيونــنا كأنها جنـــة الرحمــــن
ــــــــــــــــــــــــــــــــــــــــــــــــــــــــــــــــــــــــــــــ
رءوف حجر