حقك يا ابني بجد علينا
ما احنا بجد بشر اوباش
طالع تبحث عن كام لقمة
شوفت الدنيا يجوز تتعاش
جالك واحد قلبه ف رجله
جوا الجزمة إنما ليه صوت
عنده يدوبك حتة سلطة
أصدر حكمه عليك بالموت
و ما فكرش يفكر لحظة
ان الأجرة هتسرق قوتك
يبقى تسيب القطر و تنزل
و انت بذوق فضلت سكوتك
قلت له حاضر و فتح بابه
باب الموت و القطر بيجري
خطف العمر عشان بسلامته
عايز يرضى نظامنا الفقري
دمك يا ابني ف رقبة سيده
اللي اداله الأمر الظالم
إنما ربك عدل ف حكمه
علشان ربك شاهد ٠٠ عالم
.......
فهمي علي نصر