متوغوشة..
قلبي الجرئ بقي مستكين ..
قدام عنيك..
بيحسسك..
بأنه معزول عن مداك
وانك لوحدك ..
حتي لمّا باكون معاك..
واني ببراءة بأرسمك ..
واتنسّمك..
وبأصٌر شوقي اربع حتت..
وارمي شوق كل اتجاه..
وادعي ..
اشوفك وانت جاي ..
بايماني حي ..
فتصيبني حالة دروشة ..
واصرخ مدددددددددد..
يا ايها القلب استفق..
نارك ..بتبرد باليقين
وانت نمرودك تعب ..
فـ ازاي يحين موعد صلاة الحب ..
في النبض الحزين ..
وانا لسه ما اتوضيتش بيك..
ولا حتي يممّني الهوي ..
وهل يجوز اجمع في حبي ..
وأقدمّك..
وهل يجوز جوا صلاتي
اكلّمك..
انا الوحيدة المؤمنة بمذهبك..
باستغربك ..
متحررة في عرف الهوي ..
وف عٌرفك انت
مكلبشة.
ـــــــــــــــــ
شعر\ عفاف التركي