دا ما كـانـش حنــــيّن ولا حـاجة
ولا كنا بنحـتــاج له ف حــــاجة
وإن كان موجود او مش موجود
ويانّا ....ما يفــرقش ف حــاجه
......
ما حضرش جنازة ف يوم لينا
ولا راحــش معــــــانا الجبّانة
ولا جــامل حـــد فى لـيـالـيـنا
ولا جــانا ف فــرح وهـــنـّانا
.......
دا ماكــانش بخيل بـــس بمـاله
دا بخيل بمشـاعرة واحسـاسه
لــو تســـأل يوم عن احــــواله
تلاقية مكـــــروه مـن حـُراسة
كان نـاســى الفــرد امّا بيعـلى
عُمــره امّا بيعلى إلا بنـاسُـــه
.......
كان باصص بـس لمصلحتة
ولا أمه وأبوة كانوا فى باله
مش شايف غير نفسة ونفسة
ولا اهـله وبيته ..ولا عـيـاله
كان ناسى ان امُه ح تغفر له
لو كانت راضية وداعيـــاله
.....
اختة اللى ماجاش يوم زفتها
زعلت وسنين بدمـــوع باتت
وامه اللى ماجاش يوم دفنتها
ح تسامحه ازاى بعد ماماتت
......
ما اداش ولا جانا ف يوم سلّم
إزاى دلـوقت ح ندّيله
كان المفــروض هــو يـقــدّم
علشان يتردله جميله
لـو كــان بيـوّد كــان اتعـــلّم
زى امّا بيعمل بيجيله
.....
والدنيا عشان تاخـد تـدّى
وإن دام الحال من تغفيلة
دلوقتى بيبكى امّا يعــدّى
وكمان مش شايف منديلة
.....
كان بيت وعـمــــارة وملاكى
وكان برضة بخيل آخر حاجة
واهو دار الحال وصبح باكى
وعـيــالة راميها ومحـتــــاجة
فمتستغـــــــربش وتسأل ليه
حاطين اعصابنا ف تــلاجة
......
لو كنا صعبنا علية هـــو
كنا فرشناله وجيبناله
لو شهم وكان عنده مروّة
لو شاور يلاقينا قباله
لكن اللى حقودى ومن جوّة
طب نزعل ليه لو إيه جاله
.....
دلوقتى خــلاص راجــع نـادم
بيـقــــول معلش وســـامحونى
من بعده ما ضاع الخـير لازم
يجى يطلـــب ويقـــول ادّونى
.....
خليك ندمان ،انت الغلطــان
ح تداوى ازاى ايـــام فـاتت
يمكن لو تبكى كمان وكـمان
تغسل ف ضمير ميّت شاتت
لو كنت صحيح فعلاً انســان
ماكانتش دموعك يوم باتت
.......................................
7/12/2017م
أحمد حسن عمر