يالى جوّه الروح
سبحتى ..
وإستبحتى القلب عندى
لو سمحتى ..
إفتحى الدرج اللى جنبك
طلّعى قلبى اللى فيه
أيوه قلبى ..
مش تلاقى
أى قلب وتبعتيه ..
رجّعيلى قلبى تانى
لملمى كل الأغانى
اللى كان
يعزفها فرحُه
تحت أسرك
لملمى نبضه المبعتر
واللى فاضل
تحت رجليكى الضريره
رجّعيهم ..
بس إوعى تغسليهم ..
من ترابك
خلّى ريحتك
لجل ما اتذكر عذابك
رديهوملى ..
عبّيهوملى ..
جوّه اكياسى الحزينه
قلبى ماينفعش عندك
يبقى جوّه الدرج .. زينه ...
_________________
عادل سند