طو`ح الأحزان وعيش
وان حزن جاك ..
مره مع قطر الحياه ..
إقفل في وشه ازاز وشيش
واحلم ...
وعيش
ركب لحلمك 100 جناح
واما تضيق بيك الحياه ..
إسعى ودو`ر ع البراح
رفرف على جناح الأمل
واوعاك تقول :
إيه العمل ؟
صد`قني ياصاحبي ..
وعيش
ممكن نشوف مع بعضنا ؟
لولا الضلام ..
ماكنش نور ..
ولا صوصوات ..
أجمل عصافير / في البدور
*****
أبيض وإسود ...
هو` ده لون الحياه
في الصبح نسعى نجتهد
بالليل نسبح ربنا
ناكل الرغيف ..
نحمد نقول : مين أد`نا ؟!
.....
وننام على صوت الأمل ..
أنوار تجينا مانعصيهاش
هيا الحياه ...
عيشها كده وإما بلاش .
............
عادل عثمان الحجار