مين اللي حبك
أكتر مني
ياريت تقول لي
هوَّ مين ؟
ملك م السما
ولاجني
ولا بشر م البني آدمين
.
في بحر من البحور
ولا طير وسط الطيور
ولا أمير ساكن قصور
ولا .. ولا .. ولا مين ؟
يا كسرة القلب كسرتين
يا دمعة حزينة في العين
يانهار من غير
لا نور و لا شمس
ياليل مخنوق
وقلبه حزين
وانا اللي لضمت عروقي
وكتبت لك بحنيني وشوقي
انتي بكره وأمس
وغزلت أمل من طينك
وانا اللي في
دمعي باغني لك
وانا اللي قبل
ماتندهي انا اجيلك
حتى لو كنت فين
واللي نفسي بس
اعرفه
جبيتي القسوة
دي منين
*-*-*
حسني محمود اسماعيل