|
عايزك تيجي و
جايب نفسك |
|
تقعد بيها لمرة
لوحدك |
|
و تبُصّ لْها بكل
جراءة |
|
و تفضفض تحكي لها
ف همك |
|
سيبك من عيلتك
وميراثك |
|
وإن الواكل حقك
عمك |
|
وإنك عايش دايمًا
وحدك |
|
وإن القهر جالك
من أهلك |
|
عايزك تيجي وبإيد
فاضية |
|
ما تكلفشي نفسك
حاجة |
|
لما تموت بالضربة
القاضية |
|
أحسن م النفس
المحتاجة |
|
كبر مخك تكبر
تقوى |
|
و تقضيها بكل
سذاجة |
|
بص يا صاحب عمري
بحاله |
|
دا ماحدّش فاضل
على حاله |
|
كل الناس
فاكرينها شطارة |
|
مين فينا يضمن
أحواله |
|
كاس الدنيا علقم
مُرّ |
|
و الأيام دي مسيرها
تمُرّ |
|
خُدها الدنيا بكل
بساطة |
|
كله أهو رايح حلو
ومُرّ |
|
أنصح تاني ولّا
فهمت |
|
وأتمنى تكون
اتعلمت |
|
إن الرازق هو
الله |
|
وإن الجابر هو
الله |
|
وإنه المعطي و
برده المانع |
|
طيب خاطرك و اهدى
وسلّم |
|
و ارمي حمولك ع
الخلاق |
|
وحده القادر و
الرزاق *-*-* عبد التواب الرفاعي |