واهو كلّـه بيؤمُـر ويقـاضِـي
ويحَـاسِب وكـأنه القــاضي
والعــادِل بَاشـــا بأمـــر اللّٰه
بيعيبَـك. ويقــول بيـراضي
الكُـل منصّــــب نفسُــه إلـه
تركَعـلُه وتطــلُب منه حِمـاه
يتحكِّم فيـك وف مايتينَـك
وبدون اسئلَة تمشي علىٰ خُطاه
وانا زي المَربوط ف السّاقية
وبلِف ف دنيا ماهيش باقيـة
ولا فيها الرّوح تسـوى مـلالِم
واكـتَرها غلابة ومـش لاقيَـة
فكّـرت الدُنيـا ح تضحَكــلي
وخيوط م الفرح ح تِنسجلي
دلوقـتي انـا تايـه من نفسي
ولا عـارف راسي مِـن رجلي
متلخبط متداري ف روحي
وبحَـايل وبـدادي جـروحي
لا بـداوي الحَال المتشقلِـب
ولا بملى فطَبقي الأورديحي
.....
أسماء كامل