مش قلت لك متصدقيش
لو تاني قامت ثورتي
و تضغطيني
بكلمتين ملهومش معنى ف اللغه
مش قلت لك لو مره هنتي
ف لحظه طارئه
ابقي اصبري
انا اصلي مش طينة بشر
انا طينتي من حب افهمي
بتكسريني جوه منك بالغبا
يعني اما تلقي حاجه مني
بتعترف انك بقيتي بره عني
و الحياه من بعد منك
سيرة الحب العلي
استغفري
كداااااب انا و المفتري
و انتي حبيبتي النور لعيني
و طلتك سيدنا الولي ..
--------------------
طب هو ينفع اني اكون لك لحظتين
يعني اما تبقى النور لقلبي
بكلمه تيجي تضلمه
تسرح على كل الغيطان
تبدر فرح
و عند زرعي تولعه
معقول تكون الفرحة
لعيوني و هنا
تقلع قلوع الضحكه
تسقط من علي
معقول خضار القلب بيشقق لنا
بعد اما كانت ضحكته
بتورد الخد و حلي
معقول شقايق قسوتك
ملهومش عيلتين م الحنين
طب أب يشرح وجهتك
او ام تسأل ليه شرودك
عن عيوني ف عز وقت محبتك
-------------------
خليكي مره ف مطرحي
و اديني قسطين من براح
هو انتي ليه بتحددي
و تكملي البعد بجراح
مية الف نوبه قلت لك
متكمليش السعي على قلبي بمرار
متلوعيش الصبر
خللي الصبر صابر ف انتظار
ممشيتش لكن
سيبت لك
آخر قراااار
.......
جهاد زيادة