و الليل ف عنيكى بيحكى كتير
و ايديه تتمد لقلب اسير
تخطفه من بحر وجع و هموم
و تسافر بيه ف فرح مشاويير
ترسم احلام من شوق و غرام
و تواعد فجر ... فييجى بخير
تمسح من عينى دموع ايام
كت قاسية اوى .. فتاخدنى بعيد
تمشى بى ف سكة بكره برئ
ترسملى الجاى من عمرى جديد
و تجاوب لما اسألها سؤال
عن ليه الحلم تملى شريد
بتمد ايديها تمس الروح
و تقرب ف المسافات بشويش
بتسيب للعشق طريق فيبوح
و تناجى القلب .. ففجأة يعيش
يختار القلب حروف اسمك
يعزفها بنبضه و ما يخبيش
ف عنيكى حقيقى الدنيا براح
مليانة امانى و سحر و شوق
و نجوم ف السما حلوين و ملاح
و قمر بيخلى الضحكة تروق
بيلاعب نسمة ... بالف عبير
فتبان الضلمة بالف شروق
فى عنيكى الليل حسيته حبيب
و قريب جدا و عاشقنى
كان بينا خصام لما بعدنا
انا و انتى .. فتاه منى ... فارقنى
بس اما رجعتى ابتدا تانى
فحكيت له ... لقيته مصدقنى
.........
فهمي علي نصر