عشان فى عنيكى شئ مجهول
تملى يشدنى ليكى
باسيب قلبى يبوح و يقول
و عهد الله بادوب فيكى
باحبك ضحكة بتجلجل
فتبهت ضحكة جوايا
و احبك بسمة مكسوفة
و فجأة تبقى ضحكاية
و روح فى البرد بتدفى
و فى الصيف نسمه ما لها زى
و احبك فى الربيع وردة
عبيرها هو بكره الجى
عشان فى عنيكى شئ مجهول
بيغمز لى اقول حاضر
باحاول ابقى انا فيكى
و لو غايب .. اكون حاضر
باسيب لك روحى فى كفوفك
و احلامى .. تكون شوفك
و اكون سدك و احوش خوفك
اذا لمسك خيال غادر
و انا .... قادر
..........
فهمي علي نصر