لو كان قانون العدل
يعدل كفته.!
و يحط جوه الكفتين
حبة امان
لو يعني يعجب حضرته
نمشي علي صراط الوجع
بس بحنان
انا لو يبان
الدمع من خيط الضحي
هعزف عليه
كل اﻷغاني
و بكمان
شايفه الميزان
مايل قوي
ناحية شحوب اﻹحتمال
يمكن كمان
نايم علي مخدة سعادته
ف الشروق
جنبين شمال
من كتر ما اتبدل عليها
كيت و كات
انا من سكات
ساكته قوي
بس بحالات
بللت منديلي
و جريت
علي كل شارع
عشت فيه من ذكريات
بس الحقيقه
رجعت تاني مبلله
انا كنت من غير الدموع
حاسه بحاجات
مبقتش شايفه
من عيوني غير ساعات
طب هو ممكن حضرتك.!
تكتب هنا ..
و لا اقول لك
كلم الضحكه تعدي
علي اللي فات
قوله الغياب
طول قوي
البسمه طالبه تترحم
م الحبس جوه زنازين العذاب
مفيش شاويش
عدي علي عيوني و فرح
كل اما ضحكه تترسم
يبكيه هناك
هو الميزان شيلة قساوته
اتحددت عندك بكام
و البورش في معاني الكلام
بيصحي فيك
و لا جنابك كفتك صاحيه تنام
تيجي أشتريك.!!!
و افرش عيوني محبتك
و غمزة ف خدود البنات
بس اﻷكاده إن الميزان
بايع قوي
لكل اﻷمل
ضيع معاني اﻹلتزام
واقف علي شريط المدافع
عن حقوقي ف الملام
و ملجمه
قووم ارجمه
مبقبتش أخاف
هي الحقوق الضايعه
علي باب عشرتك
من قسوتك
راح تسوي كام!
................
جهاد زيادة