جدايل شعر من شعرك تطير بيا
تعدينى
تودينى لأدان الفجر فى عنيكى
أصلى لأحلى أيامى
عشقت الليل
عشقته نايات بتتغنى
ايدبن لبنات بتتحنى
وتستنى
قدوم الخيل
عشقت الليل اذا مايطول
بصوت أرغول
يقربنى من النبره
نجومه عشقتها بنظره
عشقت رموشه سيف مسلول
وشدة حيل
عشقت الليل
بلابل نايمه فوق سدر الهنا بتحلم
ولابتعلم
بعين صياد بترقبها
ومن أحلامها تشطبها
وتكتبها ف سجل الويل
عشقت الليل وتر فتان
غناوى لفرح ولأحزان
تخلينى أصوغ طبعى
فى وقت مااعوز اكون ممنون
ووقت ماعوز اكون محزون
أخللى الليل يصير ملعون
يشيلك من جدورك شيل
عشقت الليل
أقوللك ليه عشقت الليل
عشان أول ماحبيتك
ندهتينى ولبيتك
وكان معبدنا حضن الليل
ومن يومها
عشقت الليل
.........
علي جامع