قلبك يساوى قد ايه ف سوق الألم
احسبها لكن ضمها على كل منسى وانظلم
ارفع علم حيى الوجع
على كل حبات الندم
واركع وبوس الأحذية
يابن الحقيقة المؤذية
يا كل مؤمن بالسجود
لو كنت فاكر ان احلامك فروض
لو كنت فاكر إن نور الشمس مش قادر يسود
الضلمة احيانا تقود الشعر لبلوغ القلم
قربان وفاكر ان ايمانك وطن
شربان من الدم المسمم ف البدن
خليك كده كماله عدد
فكرك عقيم استوردوه
زى الآلات اللى بتفهم ف الهدد
انت المدد والأوليا حبة خدع
أنصاب وفاضية م الجتت
راس الحسين ازاى تسيبها كربلا
رعى الغنم محتاج عصايا تشيّعك
والراعى حجره بيخدعك
مفيهوش علف
سيدنا الولى بيهد حيلك بالصلا
بطّل طواف حوالين مقام سيدك خلف
ارجع ولفّ
الندر مش لاقى السلف
بكره محاصر بالحطب وانت الثقاب
والجنة مش بالإستريتش
كمان مهياش بالنقاب
الجنة جوه فكرتك
فالحق ايمانك م التلف
.........
حمدي موسى