حلمك و الله جميل يا بهية ..
شكلك كنتي بتحلمي بيا ...
واد أمورد و مسمسم يعني ..
وروش طحن و ميه الميه ..
الجدعان ف الكفر كتير ..
سيد عبده و عيد و خضير ..
حسنين و ابن الحج سمير ..
بس خلاص مفيهاش تفكير ..
أنا راح أجي الليلة حداكم ..
و أسهر جوا البيت وياكم ..
و أطلب يدك ..
زي ما بدك ..
مهرك م الجنيهات قناطير ..
هخدك ف الأحلام و نطير ..
زي أتنين ف الفضا عصافير ..
تبقي أميرة و هبقي أمير ..
عوضين مين ؟
و حسنين مين ؟
دا أنا مصراوي من العاشقين ..
شيخ نعمان هيجيب الدفتر ..
كل الكفر علينا شاهدين ..
إنك روحي و قلبي و عقلي ..
و إنتي حبيبتي ليوم الدين ..
......................
مصطفي تيسير