ساعة ميلاد الألم قوم أمنحيه الطلق
تصرخ آهات الوجع
من بين ضلوع الجدع
وصوتى لما اتسمع
لم كل الخلق
..................
نهش عظامى الديب مزمز عل كيفه
يطلع نهار الحق يمحى سواد زيفه
تاهت عقول الناس فى بند تعريفه
................
وأنا الشاعر قلبل البخت
خلاص لبخت .. أحوالى
وأنا مالى .. ومال الدنيا ومافيها
أعبش بلاوبها .. ولغيرى
يروح خيرى .. يتوه طيرى
والاقى الطير أوام مدبوح
بموت البوح .. فى أحشائى
ومش لاقى
حق الهدمة واللقمة
وناس لئمة .. تعيش تعابين
تبث السم فى الزنازين
بموت العدل عالجدران
بإيد سجان
ميزان مقلوب
قانون معيوب
وكام رقعة فى وش التوب
تخلى الشكل مش هوه
وتمنح للزهور قوة
تعبش الحلم عالآخر .. ويتاخر
سماسرة حلمنا المشلول
فيكسر كرسى سجانه
ويقتل اللى يوم خانه
يحاسب اللى بوم هانه
ويضيق البراح فى العين
ويخنق الظلام فى الضى
ويخصى كل رجال الحى
يموت الحلم فى رجولة
فيطلع ضى من الكولة
فتصرخ دهشة الساكتين
مع الراكعين
مع الساجدين لغير الله
ولما الظلم يجى مداه
فيطلق حق متكمم
الاقى الكل يتكلم
رافض يحنى ولا يسلم
وحلمى العدل يتعمم
ولسه قلبى بيعاند
رافض يهدى ولايهاود
أنا شايف خلاص مارد
يجيب الحق من القمقم
وأشوف امبارح مع الذكرى
بيعتذروا لنهار بكره
عشان فكرة
تعيش إنسان .. تموت إنسان
لاتقبل لوم ولاملامة
وعِيش بكرامة وبهامة .. ومرفوعة
بحرف العلة .. مافيش ذِلة
تخلى الحق يتكتف
مادام الظلم متستف
هاعيش أحلم أفك الطوق
وأنا اللى هاسوق .. زمام الدفة
أحافظ عالشرف عفة
لحد ما أموت
وتطلع روحى للملكوت
تحَيينى وتِحيينى فى حضن الأم
وأقول هاتلم
وأكتم كل أوجاعى .. بدون داعى
فى كلمة بين سطور الهم
الاقى الكلمة تتنهد
وتشكى لومها لقصيدة
وتبقى أنتى اللى حضنانى وعشقانى
مافيش منك أمل تانى
تخبينى تحطينى فى جملة صح ومفيدة
توقف أى جور أو ظلم
مادام صمتك صبح عارك
وتنسى بالكلام تارك
تغور أنت وأشعارك
مادام فرطت يوم فى الدم
..............................
تقوم تصحى بِجَنابة
وناس حملان بقو ديابة
بفعل شريعة الغابة
ونتغابى .. على روحنا
نعيش اللذة فى جروحنا
ونتطهر أوام من الشر
وغـُسل الحـُر .. بعده وضوء
صراع مويوء
وياما قرود
دى راكبة أسود
وده أسد فاقد قوة
يشد الحيل .. فحِمله يميل
فيتعكز على مراته ياخد عِزوة
لكن نَزوة .. تخلى الست تتمايل
زمن مايل
صحيح إن المثل قايل
إن مرات الأسد ............؟؟؟
.......................................
شعر / ماهر أبوالمعاطى