أنا ممكن ..بقلم الشاعر / سعيد شكري

وهى الدنيا إيه غير إيد
تسلم-- تحضنك -- تحميك
ووقت الشدة تبقى عليك
حنان الأم لولادها
ووقت الفرحة تبقى العيد ..!!

فا ماتبصيش ..
فى لون الشعر والشيبة
ولا التجاعيد
وبصى لقلبى من جوه
ده لسه شباب
ونفسه تفتحيلوا الباب
فا ماتصديش ..!!

انا ممكن
اشد الوش بالضحكة
وماتلاحظيش
وألون شعرى بالفرحة
ومش هيبان
واخبى الرعشة من إيدى
واقول فرحان ..!!

انا ممكن
عشانك ألبس الموضة
واغير حتى شكل الكون
وأفرق ضحكتى ع الناس
تفرح كل قلب حزين ..!!

أنا ممكن
عشانك حضنى يبقى براح
وايد تقدر تداوى جراح
ف ماتعانديش !!!!

...........

سعيد شكري