**********
كل يوم اعـــلان وظـايف فى الجــريده بخط شيك
وانت طبــعاً تبقى شــايف الوظيفه مـنـــــاسبه ليك
*****
والمفاجــــأه تبقى ساقــط وانت ملـيـــون ميزة فيك
واللى ناجح اللى عامــــل شعـره قصة عُرف ديك
*****
واللى دافع واللى راشــى واللى خاله قريب غباشى
واللى جايب كارت ماشى يبقى يعنى مالوش شريك
*****
كله رص قـــرايبه رصّه والعيون ع الكرسى بصّه
ويقـــولوالك هى نــاقصه ويسألوك مين واسطه ليك
*****
وانت تعمل ميت محاوله والوظيفه تضيع مجــامله
رغـــم إنّك بيهـــــا أولى وحتى شكـلك ( سمباتيك )
*****
واللى واصل بالتحــــايل يلقى ألف وظيفة شـــــيك
وانت بختك لســــه مايل حتى حظـك مـــش لاقيك
.....................
أحمد حسن عمر