********* ******
ارجعــوالنا لجـل نـفـــــرح ارجعــــوالنا
ليه تسيبــوا الدمــع يجـرح يــوم عـيـونّا
ليه بقســـوة قلـــب عــنكــم تـبــعــــدونا
ليه جراحـــكم وإحنا منكـــــم وانتوا منّا
**********
العنــاد هــو اللى ح يزّود جـــروحـــنا
البعــاد هــو اللى ح يدوّب ف روحــنا
ارجعـوالنا وإحنا راح نـقـبـل عـتـابكم
مش ح نسمع إنـتوا قلـتوا .. إحنا قولنا
**********
إحنا مش أغـــــراب عليكوا للكلام ده
إحنا مش حمل المناهـــده والمٌعــــانده
مهمــا يحصل ولّا نتعب .. إحــنا ليكم
والــــدوا إنـــتوا اللى لازم تـدوهــولنا
**********
مين ح يمسح يوم دمــــوعنا لو بكينا
مين ح يسمع غير قلوبكم لــو شكينا
إحنا تانى مش ح نبعد عن عيونكوا
مهما يحصل مش ح يدخل حد بينـّـا
,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,
أحمد حسن عمر