كنت بشيل من بُقى اللقمة
واجرى اديها ل بُق زميلى
ألقى زميلى بيجرى عليَّا
جايب أكله وجاى يدينى
مامة صاحبى لما تشوفنا
تجرى علينا وتحضن فينا
تقسم بينى وبينه الفرحة
تملا جيوبنا بالبنبونى
مامة صاحبى ياما جابتلى
زى وليدها ويمكن أكتر
كانت قمرة وشمس وضلة
كنت أحب احضنها بعينى
وامسك إيدها واعدى الشارع
كانت ست بسيطة وطاهرة
بالجلابية وشبشب"باتا"
كل كلامها كان ربانى
كنا أهالى واكتر حبة
كنا حنان وأمان ومحبة
كانت لما بتطبخ طبخة
تجرى عليَّا تدوقهانى
مامة صاحبى كانت أمى
حضن حنانها كتير دفانى
ك
ت
ي
ر
دفاااااانى
!!
!
!!
~~~~*****~~~~
أحمد الحمله