الليل بيعزف....
فوق نايات البحر...
مقطوعة وجع...
وسيناريوهات..
عماله تنشع بالبكا..
والمركبه..
بتعاند التيار هناك..
مستنياك ..
علشان تشوفك..
وانت بترقص م الالم..
والمطر كرباك بيجلد..
صوت غنا البحر المطيع..
تكبر الحواديت ..
في غمضة عين..
وتشب من اخر مدي..
ويءن حس الناي قوي..
كن تاني يحنق دمعتي..
في حضن الجفون..
اطلق شهيق الخوف..
فوق بساط حنيتي..
واحساسي بيه..
يطير ويوصل للسما..
وانا قاعدة ساكتة..
في خلوتي..
سلفني ناي/ك
استخبي مني فيه
ماتعريناش ايد الغنا..
ولا نتكسف م الدندنة..
انت المباح لي ..احلمك
والم فيك تفاصيل كتير..
تتداري ورا صوت..ضحكتك
وتسلمك لغربتك..
انت المباح لي..اسكتك
تدخل مشاعري وانحتك
زي المواجع.
لما تعزف انتك..
انت المتاح لي ..اصدقك
لما اعشقك..
او تحتويني نظرتك..
تجمع حروفي ف كلمتك..
وتلون الجرح الغميييق..
تفتح لقلبي 200طريق..
المح في وشك..كل شيء
فتفتح بيبان الحلم..
لخيوط النهار..
تنفلت براك ملامحي..
المعجونين بالاشتياق..
الغربة بتشد اللقا..
والحنين يوم ما اتخلق..
كان للفراق..
والدمعتين اللي انطفت بيهم
براءة عمرنا..
راجعين يغنوا
علي سيمفونية كبرياء
يااااااه...
كنت ابتديت ..
تفك طلسمة السنين..
من فوق وشوش الاسءلة..
اللي بترمح كعب داير
ف الخلا من مبتداه..
ليه الحنين ..
ريحته بتكحت في الجسد
تباريح وااااه..
ليه الحياة.. هي الحياة
وكل شيء....
بيدور يدور...
من تاني يرجع
م
ن
ت
ه
ا
ه
...........
.شعر /عفاف التركي