سـايق وسـارح فيك
وعنيا شايفه طشاش
والـضـلـمة تـحـت الـمـدى
بـتـزيد وتـتـمدد
وكــــل لــمـبـة نــــور
بـتـعـدي زي فـــلاش
والــطـيـف كــأنــه أمـــل
بـيـبـان ويـتـبـدد
يـا جـرح غـيّب أوي
ولا عدش ينفع شاش
كدبوا اللي قالوا الهوى
علشان يموت نبعد
جـربـنا نـبعد عـشان
مـنموتش فـمعشناش
وحـاولـنـا نـنـهي الـهـوى
أتـاريـه بـيـتجدد
يــا الـف مـوعد أمـل
يـوعدني ولا وفّـاش
هـيـفـيد بــإيـه الـبـكـا
والــدمـع مـتـجـمد؟
ازاي تـقـولـي ابــعـد
وازاي تـقـولي بــلاش
وازاي بـتـبـعـتهم
فـــي مـنـامـي مـتـعـمد؟
.........
صلاح عبد العزيز