الكبير لازم يحاسب
ينطق اللفظ المناسب
الكبير لو مرة يغلط
يبقي جوه الكشف راسب
والصغير له حسابه
والكبير له ميت حساب
.......
الكبير مش ف السباب
الكبير يعتب عتاب
لما يزعل يبقي عاقل
لجل يغرس ف الشباب
يعني ايه معني التسامح
يعني ايه اللفظ جارح
الكبير لويبقي رادح
يبقي خيبه وقدوة غاب
......
قبل ماتغلط ياصاحبي
ابقي. وارب نص باب
منه يرجع تاني حقك
واللي يغلط له عقاب
والغريب او شاب هادي
والكبير هو اللي خاب
.....
لما تبقي قدوة لينا
وللا قائد للسفينا
لما تشتم ف الغريب
الشتيمةح تبقي فينا
واللي يكتب او اديب
يبقي فاهم ف الاداب
......
الكبير يوزن كلامه
الكبير يحفظ مقامه
احنا نصغر لو امامه
حد عاتبه ولا لامه
الكبير مش بس منظر
ولا واحد شعره شاب
........
أحمد حسن عمر