كنتي القناديل
بتنور كل حيطان البيت
وياريتني ياريت
كنت انا حسيت
ان انا من غيرك ح ابقي حزين
واديني بكيت
مشتاق لعيونك ترقيني
وايديكي تطبطب وتجيني
وتبوسي البوسه علي جبيني
فأحس ان انا فرحان طاير
رحت وحجيت
...
وكتير باستغرب وانا نايم
ايه جابني ف اوضتي
علي سريري
و فجأه اتغطيت
مين واقف جنبي بيسندني
لو مال الحيط
مزروع الغيط
من ميه عرقك وعزيمتك
وان لمست ايدك يوم ايدي
ابقي اتوضيت
مين زرع الحب بحنية
من لحظة ما وصلت الدنيا
حسيت بوجود حضنك جنبي
اني استقويت
حسيت الفرحة ف نور عينك
لما انا هليت
وزرعتي معاني باعيش بيها
لو يعني حييت
انساكي ازاي وانتي معايا
ومن جوايا
لو قاعد واقف او باجري
او حتي مشيت
انا ياامه مجرد ما افتكرك
القاني هديت
هو انا من غير حضنك ياامه
كنت انا خطيت
انا نفسي اموت لجل اشوفك
اصل انا حنيت
....
أحمد حسن عمر